ایف بی آر نے ارب پتی ٹیکس چوروں کے خلاف کارروائیاں شروع کردیں

سلام آباد: فیڈرل بورڈ آف ریونیو (ایف بی آر) نے انکشاف کیا ہے کہ کچھ ٹیکس دہندگان اربوں روپے مالیت کے اثاثوں اور آمدن پر مبنی پرتعیش طرزِ زندگی گزار رہے ہیں ‘یہ افراد لگژری گاڑیاں‘ مہنگے برانڈڈ کپڑے‘بیگزاور گھڑیاں استعمال اورلاتعداد غیرملکی دورے کرتے ہیں لیکن اپنے ٹیکس گوشواروں میں نہایت قلیل آمدن ظاہر کر رہے ہیں۔

ایف بی آر کے لائف اسٹائل مانیٹرنگ سیل نے مزید ممکنہ مبینہ ٹیکس چوروں کی تفصیلات ایف بی آر ہیڈکوارٹرز اور متعلقہ ریجنل ٹیکس دفاتر (آرٹی اوز ) کو بھیج دی ہیں تاکہ ان افراد کے خلاف باضابطہ کارروائی شروع کی جا سکے جنہوں نے سوشل میڈیا پر اپنی پرتعیش جائیدادیں اور آمدن ظاہر کی مگر اپنے جمع کردہ انکم ٹیکس گوشواروں میں کوئی نمایاں آمدن نہیں بتائی۔

دی نیوز کے پاس موجودتفصیلات کے مطابق لاہور کی ایک فنانشل ٹیکنالوجی کمپنی کے سی ای او کے پاس 30جدید ماڈل کی گاڑیاں موجود ہیں، جن کی مجموعی مالیت 2.741 ارب روپے ہے۔ ان گاڑیوں میں ایک لیمبورگینی ایونٹیڈور (پیلا رنگ) شامل ہے جس کی مالیت 30کروڑ روپے بتائی گئی ہے، ایک رولز رائس فینٹم (چاندی رنگ) جس کی قیمت 25کروڑ روپے ہے، ایک اور لیمبورگینی ایونٹیڈور (کالا رنگ) جس کی مالیت 30کروڑ روپے ہے، اور اس کے علاوہ کئی دیگر قیمتی گاڑیاں اوراثاثے بھی شامل ہیں تاہم، جب ان کی ٹیکس ریٹرنز کی جانچ پڑتال کی گئی تو معلوم ہوا کہ ٹیکس دہندہ کی جانب سے حاصل کی گئی ان مہنگی گاڑیوں میں سے کوئی بھی اپنی انکم ٹیکس ڈیکلریشن میں ظاہر نہیں کی گئی‘یہ بات سامنے آئی ہے کہ ان دونوں کے درمیان نمایاں تضاد موجود ہے۔ 

لاہور کے ایک ٹریول انفلوئنسر نے اپنی سوشل میڈیا پوسٹس میں یہ دکھایا ہے کہ وہ گزشتہ پانچ برسوں یعنی 2021سے 2025 کے دوران 25سے زائد ممالک کا سفر کر چکی ہیں، تاہم انہوں نے اپنی آمدنی صرف 4لاکھ 42ہزار 46روپے سے لے کر 37لاکھ 90ہزار روپے تک ظاہر کی ہے۔ 

ایک اور سوشل میڈیا انفلوئنسراور ماڈل جن کا تعلق اسلام آباد سے ہے، نے اب تک 13 ممالک ک