افغانستان میں 6.3 شدت کا زلزلہ، ہلاکتوں کی تعداد 20 ہوگئی

افغانستان کے ہندوکش خطے میں شدید زلزلے کے  جھٹکے محسوس کیے گئے۔

خبر ایجنسی کے مطابق زلزلےکے جھٹکے افغانستان کے شہر مزار شریف  سمیت  دیگر شہروں میں بھی محسوس کیے گئے، زلزلے کے باعث مکانات کو  بھی شدید نقصان پہنچا۔ 

میڈیا رپورٹس کے مطابق مختلف حادثات میں اب تک 20 افراد کی ہلاکت اور 320 افراد کے زخمی ہونے کی اطلاعات ہیں جبکہ حکام نے ہلاکتوں میں اضافے کا خدشہ ظاہر کیا ہے۔

مزار شریف میں زلزلے کے وقت شہری خوفزدہ ہو کر گھروں سے باہر نکل آئے۔ فرانسیسی خبر رساں ادارے اے ایف پی کے مطابق  لوگ آدھی رات  میں گھروں سے نکل کر کھلے مقامات کی طرف دوڑنے لگے کیونکہ انہیں خدشہ تھا کہ ان کے مکانات گر سکتے ہیں۔