موبائل گم ہونے کا معاملہ: کورئیر کمپنی کو صارف کو موبائل اور جرمانہ ادا کرنے کا حکم

کراچی: سندھ ہائیکورٹ نے نجی کوریئر کمپنی کی کنزیومر کورٹ کے فیصلے کے خلاف اپیل مسترد کرتے ہوئے 6 سال بعد نجی کمپنی کو حکم دیا کہ صارف کو موبائل فون اور جرمانے کی رقم ادا کرنے کا حکم دیا۔

صارف کا موبائل فون گم کرنے کے معاملے کی سماعت سندھ ہائیکورٹ میں ہوئی۔

وکیل درخواست گزار نے عدالت کو بتایا کہ کنزیومر کورٹ نےکوریئر کمپنی کو صارف کا موبائل فون گم کرنے پر45 ہزار روپے جرمانہ کیا تھا، صارف نے بذریعہ کوریئر کمپنی موبائل فون لاہور بھیجا تھا جو گُم ہو گیا تھا۔

جسٹس ارشد حسین خان پر مشتمل سنگل بینچ نے صارف محمد شاہد کی اپیل پر 6 سال بعد فیصلہ سناتے ہوئے نجی کوریئر کمپنی کو حکم صارف کو دیا کہ صارف کو موبائل فون اور جرمانے کی رقم ادا کی جائے۔