چیونٹیوں کے خوف میں مبتلا خاتون نے پھندا لگاکر خودکشی کرلی

بھارتی ریاست تلنگانہ میں مائر میکوفوبیا Myrmecophobia (چیونٹیوں کے خوف) میں مبتلا خاتون نے پھندا لگا کر  خودکشی کرلی۔

مائرمیکوفوبیا (چیونٹیوں کا خوف) کیا ہے؟

میڈیا رپورٹس کے مطابق مائر میکوفوبیا ایک  مخصوص قسم کا فوبیا ہے، متاثرہ  شخص چیونٹیوں کے خوف میں مبتلا ہوتا ہے، ایسے افراد چیونٹیوں کے تصور سے بھی شدید اضطراب اور گھبراہٹ  جیسے حالات کا سامنا کرسکتے ہیں، ایسی خوفناک صورتحال کا بار بار تصور ایسے افراد کو چیونٹیوں کے ایک غول کے ان پر حملہ آور ہونے کا خوف محسوس کرواتا ہے، نتیجتاً ایسے افراد  دل کی تیز دھڑکن ، پسینے میں شرابور اور سانس لینے میں دشواری جیسی صورتحال کا سامنا کرتے ہیں ۔

متاثرہ افراد کی اس غیر معمولی صورتحال کو تھراپیز اور کاؤنسلنگ کے ذریعے بہتر بنایا جاسکتا ہے تاہم علاج نہ ہونے کی صورت مرض دائمی پریشانی یا سماجی دوری کا باعث بن سکتا ہے۔