قومی اسمبلی کا اجلاس جاری، 27 ویں ترمیم کی منظوری آج متوقع، ترمیم واپس سینیٹ جانے کا امکان

قومی اسمبلی کا اجلاس شروع ہو گیا ہے جس میں آج 27 ویں آئینی ترمیم، ترامیم کے ساتھ پاس ہونے کا امکان ہے۔

اسپیکر قومی اسمبلی سردار ایاز صادق کی سربراہی میں قومی اسمبلی کا اجلاس جاری ہے جس میں آج 27 آئینی ترمیم، مختلف ترامم کے ساتھ منظور ہونے کا امکان ہے۔

دوسری جانب متحدہ اپوزیشن نے آج بھی قومی اسمبلی اجلاس کے دوران27 ویں ترمیم کے حوالے سے احتجاج کیا اور ترمیم کو یکسر مسترد کر دیا۔

اسپیکر قومی اسمبلی سردار ایاز صادق نے ایک بار پھ اپوزیشن کو مذاکرات کی دعوت دیتے ہوئے کہا میں بحیثیت اسپیکر قومی اسمبلی اپوزیشن اور حکومت کے مذاکرات کی سہولت کاری کے لیے تیار ہوں،  حکومت اور اپوزیشن آپس میں بیٹھیں گے تو راستے نکلیں گے