قرض دار ممالک کی فہرست جاری، دنیا کا سب سے مقروض ملک کونسا ہے؟

دنیا کے سب سے زیادہ مقروض ممالک کی فہرست جاری کردی گئی ہے۔ 

عالمی معاشی اداروں نے سال 2025 کے لیے دنیا کے سب سے زیادہ قرض دار ممالک کی فہرست جاری کی ہے۔ 

رپورٹ میں ان ممالک کے مجموعی قومی قرض، جی ڈی پی کے مقابلے میں قرض کے تناسب اور کئی صورتوں میں پبلک و حکومتی قرض دونوں کو مدنظر رکھا گیا ہے۔ 

رپورٹ کے مطابق 2025 میں بھی سب سے زیادہ قرض کے بوجھ تلے ممالک میں جاپان سرفہرست رہا اور جاپان کا قرض جی ڈی پی کے 242 فیصد ہونے کا امکان ہے۔ 

زیادہ مقروض ممالک میں امریکا، فرانس، اٹلی مالدیپ، سنگاپور، سوڈان اور یونان بھی ٹاپ 10 کی فہرست میں شامل ہیں۔ 

غیرملکی میڈیا رپورٹس کے مطابق 2025 کی فہرست میں یہ بات قابلِ ذکر ہے کہ پاکستان اس سال دنیا کے سرِفہرست قرضدار ممالک میں شامل نہیں ہے۔