ائیربس کمپنی کا طیاروں کا سافٹ ویئر اپ ڈیٹ کرنےکا فیصلہ، عالمی فضائی آپریشن متاثر

یارہ ساز کمپنی ائیربس  نے اے 320 طیاروں کا سافٹ ویئر فوری طور  پر اپ ڈیٹ کرنے کا فیصلہ کرلیا جس کے باعث دنیا بھر میں 6 ہزار طیارے متاثر ہوسکتے ہیں۔

ائیربس کمپنی کا کہنا ہے کہ طیارے کے حالیہ واقعے سے پتا چلا کہ سولر ریڈی ایشن ڈیٹا کو نقصان پہنچا کر کنٹرول متاثر کرسکتی ہے۔

خبرایجنسی کے مطابق 30 اکتوبر کو میکسیکو سے نیوجرسی جانے والی پرواز کے دوران طیارہ کنٹرول کھوکر  اچانک بلندی سے نیچے آیا جس سے کئی مسافر زخمی ہوئے تھے۔

کمپنی کی جانب سے سافٹ ویئر اپ ڈیٹ کے فیصلے کے بعد امریکن ائیر لائنز، ڈیلٹا ائیر لائنز، ائیر نیوزی لینڈ اور ترکش ائیرلائنز  سمیت کئی کمپنیوں نے پروازوں میں خلل کا انتباہ جاری کردیا۔

آسٹریلین ائیرلائن نے ایک بیان میں کہا کہ سافٹ ویئر اپ ڈیٹ ہونے کے باعث اُن کی کچھ پروازیں اڑان بھرنے سے قاصر  ہیں۔ سعودی ائیرلائن نے بھی بتایا کہ سافٹ ویئر اور  تکنیکی بحالی کی وجہ سے بعض پروازں میں تاخیر ہو رہی ہے۔

  ادھر برطانوی ایوی ایشن اتھارٹی نے بھی خدشہ ظاہر کیا کہ طیاروں کے سافٹ ویئر اپ ڈیٹ کرنے کے فیصلے سے پروازوں کا شیڈول متاثر ہوسکتا ہے۔