کراچی سے صوابی جانیوالے مہمانوں کا مکان گرگیا، متاثرہ شخص نے ساری روداد سنادی

خیبر پختونخوا کے ضلع صوابی کے علاقے میں کلاؤڈ برسٹ سے ایک ایسا گھر بھی متاثر ہوا جس میں کراچی سے مہمان آئے ہوئے تھے جو زندگی کی بازی ہار گئے۔

کراچی سے صوابی گئے لوگوں کے ایک رشتے دار نے جیو نیوز سے گفتگو  میں بتایا کہ ہم کراچی سے صوابی گھومنے آئے تھے، 15 دن سے آئے ہوئے تھے جس کے بعد میں واپس کراچی چلا گیا۔

مذکورہ شخص نے بتایا کہ میں جیسے ہی کراچی اپنے گھر پہنچا تو فون آیا کہ یہاں صوابی میں آپ کا مکان گرگیا ہے جس میں میری والدہ، تین بہنیں اور بھانجے تھے جو مٹی کے نیچے دفن ہوگئے۔