صوابی میں بارشوں اور کلاؤڈبرسٹ سے 18 گھر مکمل تباہ ، 42 افراد جاں بحق

خیبر پختونخوا کے ضلع صوابی میں بارشوں اور  کلاؤڈبرسٹ  کے نتیجے میں  42 افراد جاں بحق ہوگئے۔

صوابی کے گاؤں دالوڑی بالا  میں  کچھ روز قبل کلاؤڈبرسٹ کے نتیجے میں  18 گھر مکمل طور پر تباہ ہو گئے تھے،تباہ حال گھروں میں 40 افراد ملبے کے نیچے دب گئے تھے۔

ڈپٹی کمشنر صوابی نصراللہ نے  جیو نیوز  سے کی گفتگو کے دوران بتایا کہ ’متاثرہ علاقے میں ریسکیو آپریشن مکمل کرلیا گیا ہے،ملبے سے 40 لوگوں کو نکالا گیا ہےجس میں 37 لاشیں اور3  زخمی شامل ہیں‘۔