ٹرمپ کو بڑا ریلیف مل گیا، عدالت نے 500 ملین ڈالر کا جرمانہ کالعدم قرار دیدیا

مریکی صدر کو عدالت سے بڑا ریلیف مل گیا، نیویارک کی اپیل کورٹ نے  ڈونلڈ ٹرمپ کی دھوکا دہی کی سزا کو کالعدم قرار دے دیا۔

غیر ملکی خبرایجنسی کے مطابق نیویارک کی اپیل کورٹ کے 5 ججوں پر مشتمل بینچ نے 11 ماہ تک  غور کے بعد اپیل پر فیصلہ سنادیا۔

عدالت نے امریکی صدر پرعائد 500 ملین ڈالر کے جرمانے کو منسوخ کرتے ہوئے قرار دیا کہ ڈونلڈ ٹرمپ پر جرمانہ بہت زیادہ ہے۔

عدالت نے ٹرمپ اور  ان کے بیٹوں پر 2  سال کی کاروباری پابندیاں بھی معطل کر دیں جبکہ ٹرمپ اور ٹرمپ آرگنائزیشن پر  بینکوں سے قرضے لینے کی 3 سال کی پابندی بھی معطل کر دی گئی۔

ڈونلڈ ٹرمپ پر  الزام تھا کہ انہوں نے کاروبار کو فائدہ پہنچانے کے لیے جائیداد کی قیمتوں میں اضافہ کیا تھا۔