اپوزیشن جماعتوں نے قومی ڈائیلاگ کا اختیار محمود خان اچکزئی کو دیدیا

اپوزیشن جماعتوں نے قومی ڈائیلاگ کا اختیار  پشتونخوا ملی عوامی پارٹی کے سربراہ محمود خان اچکزئی کو دے دیا۔

ذرائع کے مطابق  قومی ڈائیلاگ میں کم سے کم اختلافی موضوعات کے ساتھ آئین پر عمل درآمد کلیدی حصہ ہوگا ، جس میں تمام سیاسی جماعتوں کو شامل کیا جائے گا۔

ذرائع کے مطابق محمود خان اچکزئی ن لیگ یا پیپلز پارٹی سے رابطے میں کردار ادا کر سکتے ہیں۔

قومی ڈائیلاگ ستمبر کے پہلے ہفتے میں شروع ہوں گے۔

واضح رہے کہ گزشتہ دنوں بانی پی ٹی آئی عمران خان نے  محمود خان اچکزئی کو قومی اسمبلی میں اپوزیشن لیڈر کے لیے نامزد کیا تھا۔