کراچی میں آئندہ 24 گھنٹوں کے دوران موسم کیسا رہے گا؟

ہرِ قائد میں 24گھنٹوں کے دوران مطلع ابر آلود رہنے، بوندا باندی اور ہلکی بارش کا امکان ہے۔

محکمہ موسمیات کے مطابق کراچی میں زیادہ سے زیادہ درجہ حرارت 31 سے 33 ڈگری سینٹی گریڈ تک رہنے کا امکان ہے۔

اس کے علاوہ شہر کا کم سے کم درجہ حرارت 26.9 ڈگری سینٹی گریڈ ریکارڈ کیا گیا۔

محکمہ موسمیات کے مطابق ہوا میں نمی کا تناسب 81 فیصد ہے اور شہر بھر میں سمندری ہوائیں 11 کلو میٹرفی گھنٹہ کی رفتار سے چل رہی ہیں۔

دوسری جانب  ملک کے مختلف حصوں میں آج بارش کا امکان ہے۔

محکمہ موسمیات کے مطابق سکھر،لاڑکانہ اور نصیرآباد میں بارش متوقع ہے جب کہ آج پنجاب بالائی خیبر پختونخوا اور کشمیر میں چند مقامات پر تیز ہواؤں اور گرج چمک کے ساتھ بارش کا امکان ہے۔