کراچی: محکمہ جنگلی حیات نے ڈیڑھ صدی پرانے برگد کے درخت کو ضائع ہونے سے بچالیا

کراچی: محکمہ جنگلی حیات سندھ نے قصر ناز میں حالیہ بارشوں میں گرنے والے ڈیڑھ صدی پرانے برگد کے درخت کو ضائع ہونے سے بچالیا۔

ڈپٹی کنزرویٹر سندھ وائلڈ لائف ممتاز سومر و کے مطابق حالیہ مون سون کی بارشوں کے دوران قصر ناز میں موجودبرگد کا درخت جڑ سے اکھڑ کر زمین پر گرگیا تھا۔

ممتاز سومر و  نے کہا کہ درخت کو جدید تکنیک اور خصوصی کرینز کی مدد سے دوبارہ سیدھا کیا جارہا ہے،برگد کے قدیم درخت کی ازسرنو افزائش کیلیےکرینز اور جدید تیکنیک استعمال میں لائی جارہی ہے۔

انہوں نے کہا کہ درخت کی پیوندکاری کے علاوہ اس کی دوبارہ افزائش میں مختلف ادویات کا استعمال کیا جائے گا۔

محکمہ جنگلی حیات کے مطابق  درخت کی جڑوں کو نمی دینے اور زمین کے ساتھ جوڑنے کے لیے خصوصی اقدامات کیے جائیں گے۔درخت کی دوبارہ افزائش کےلیے وزیراعلیٰ سندھ نے خصوصی ہدایات جاری کی ہیں۔