2 سال تک اسپیس ایکس میں کام کرنے والا 16 سالہ بچہ مزید بہتر ملازمت حاصل کرنے میں کامیاب

محض 16 سال کی عمر میں کائران قاضی نے وہ کامیابیاں حاصل کرلی ہیں جو بیشتر سافٹ وئیر انجینئرز دہائیوں میں حاصل کرتے ہیں۔

اس نے بہت کم عمری میں کالج سے گریجویشن مکمل کی، اسپیس ایکس میں سافٹ وئیر انجینئر کے طور پر کام کرکے اسٹار لنک سٹیلائیٹس کے سافٹ وئیر ڈیزائن کرنے میں مدد فراہم کی جبکہ امریکا کی اہم آرٹی فیشل انٹیلی جنس (اے آئی) لیبز میں کام کرنے کی پیشکشوں کو مسترد کیا۔

اب یہ غیر معمولی ذہانت رکھنے والا بنگلا دیشی نژاد امریکی بچہ زندگی کے نئے سفر کا آغاز کر رہا ہے۔

مگر امریکا کی سیلیکون ویلی کی بجائے وال اسٹریٹ میں، کیونکہ اس نے Citadel سکیورٹیز نامی کمپنی کو کوانٹ ڈویلپر کے طور پر جوائن کرنے کا فیصلہ کیا ہے۔

جولائی 2023 میں ایلون مسک کی کمپنی اسپیس ایکس نے کائران قاضی کو سافٹ انجینئر کی ملازمت دی تھی۔

اسی سال جون میں اس نے امریکی ریاست کیلیفورنیا کی سانتا کلارا یونیورسٹی کے اسکول آف انجینئرنگ سے گریجویشن ڈگری حاصل کی تھی۔

وہ اس یونیورسٹی کی 172 سالہ تاریخ کا کم عمر ترین گریجویٹ قرار پایا تھا