محکمہ موسمیات کی کراچی میں بارش کی پیشگوئی

محکمہ موسمیات نے کراچی میں صبح  اور  رات کے وقت بوندا باندی اور ہلکی بارش کا امکان ظاہر کیا ہے۔

 محکمہ موسمیات کے مطابق شہر قائد میں 24 گھنٹوں کے دوران مطلع جزوی طور پر ابر آلود اور موسم مرطوب رہنے کا امکان ہے، اس دوران صبح اور رات میں بوندا باندی اور ہلکی بارش بھی ہو سکتی ہے۔

محکمہ موسمیات نے   آئندہ 24 گھنٹوں کے دوران کراچی میں زیادہ سے زیادہ درجہ حرارت 31 سے 33ڈگری سینٹی گریڈ اور کم سے کم درجہ حرارت 28 ڈگری سینٹی گریڈ تک رہنے کا امکان ظاہر کیا ہے۔

محکمہ موسمیات کے مطابق  اس وقت شہر کی ہوا میں نمی کا تناسب 78 فیصد ہے جبکہ سمندری ہوائیں 15کلومیٹرفی گھنٹہ کی رفتار سے چل رہی ہیں