پنجاب: ریسکیو ٹیم نے کتے کے ننھے بچوں کو سیلاب میں بہنے سے بچالیا، ویڈیو وائرل

نجاب میں ریسکیو اہلکاروں ننھے کتوں کو سیلاب میں بہنے سے بچالیا۔

 بھارت کی جانب سے پانی چھوڑے جانے اور بارشوں کے باعث دریائے چناب، ستلج اور راوی  میں شدید سیلابی صورتحال ہے  جس کے وجہ سے متعدد گاؤں بھی پانی میں ڈوب گئے۔

انتظامیہ کی جانب سے سیلاب سے انسانی جانوں کو بچانے کیلئے ریسکیو آپریشن کیا جارہا ہے جس میں پاک فوج، ریسکیو 1122 اور پی ڈی ایم اے کا عملہ سمیت دیگر ادارے بھی شامل ہیں جو لوگوں کو کشتیوں کے ذریعے محفوظ مقام پر منتقل کررہے ہیں۔

ایسے میں سوشل میڈیا پر ریسکیو کی مختلف ویڈیوز سامنے آرہی ہیں لیکن ایک ویڈیو ایسی بھی ہے جس کی سوشل میڈیا صارفین تعریف کررہے ہیں۔

یہ ویڈیو ریسکیو 1122 کے اہلکاروں کی ہے جو سیلابی ریلے کی زد میں آنے والے کتے کے ننھے بچوں کو ریسکیو کررہے ہیں۔