حکومت نے کرپٹو گرافک اسٹینڈرڈ کی منظوری دیدی

اسلام آباد: وفاقی حکومت نے کرپٹو گرافک اور آئی ٹی سکیورٹی ڈیوائسز اسٹینڈرڈ کی منظوری دیدی جو پاکستان سکیورٹی اسٹینڈرڈ(پی ایس ایس ) کہلائے گا۔

یہ اسٹینڈرڈ پاکستان اسٹینڈرڈز اینڈ کوالٹی کنٹرول اتھارٹی (پی ایس کیو سی اے ) نے نیشنل ٹیلی کمیونیکیشن اینڈ انفارمیشن ٹیکنالوجی سکیورٹی بورڈ (این ٹی آئی ایس بی ) کی سفارش پر تیار کیا ہے، یہ فریم ورک پرانے اور غیر واضح TM-27 ماڈل (1994) کی جگہ لے گا۔

پاکستان سکیورٹی اسٹینڈرڈ جون 2028 سے نافذ العمل ہوگا، اس اسٹینڈرڈ سے کرپٹوگرافک اور آئی ٹی سکیورٹی آلات کی جانچ پڑتال اور سرٹیفکیشن ہوگی۔

کرپٹوگرافک اور آئی ٹی آلات کے لیے چار سطحوں پر سکیورٹی کی درجہ بندی کی گئی ہے، سکیورٹی اسٹینڈرڈکے تحت کرپٹوگرافک پرائمٹیوز کو علیحدہ طور پر جانچا جائے گا، ہارڈ ویئر سکیورٹی ماڈیولز، انکرپشن ڈیوائسز اور فائر وال کی سکیورٹی جانچ ہوگی۔