سی ای او کے الیکٹرک کی صوبائی محتسب کیخلاف درخواست، گورنر سندھ کو اپیل پر مقررہ مدت میں فیصلہ کرنیکا حکم

کراچی: سی ای او کے الیکٹرک مونس علوی کی صوبائی محتسب کے خلاف درخواست پر سندھ ہائیکورٹ نے گورنر سندھ کو مقررہ مدت میں مونس علوی کی اپیل پر فیصلہ کرنے کا حکم دیا ہے۔

مونس علوی کی جانب سے صوبائی محتسب کی سزا کے خلاف اپیل پر سماعت سندھ ہائیکورٹ میں ہوئی۔

وکیل شکایت کنندہ کی جانب سے عدالتی تجویز پر اعتراض اٹھاتے ہوئے کہا گیا کہ مونس علوی کی ہائیکورٹ میں درخواست قابل سماعت نہیں ہے، کسی فورم کی غیر موجودگی میں ہی ہائیکورٹ درخواست سن سکتی ہے۔

وکیل شکایت کنندہ نے کہا کہ مونس علوی کی اپیل گورنر سندھ کے روبرو زیر التوا ہے، اگر مونس علوی ہائی کورٹ میں اپیل چلانا چاہتے ہیں تو گورنرکے روبرو اپیل واپس لیں