قطر پر اسرائیلی حملہ، پاکستان اور کویت کی درخواست پر جنیوا میں انسانی حقوق کونسل کا اجلاس آج ہوگا

قطر کے دارالحکومت دوحہ میں حماس رہنماؤں  پر  اسرائیلی حملے کے بعد اقوام متحدہ کی انسانی حقوق کونسل کا  اجلاس آج طلب کیا گیا ہے۔

جنیوا میں آج ہونے والا  اقوام متحدہ انسانی حقوق کونسل کا اجلاس  پاکستان اور کویت کی درخواست پر  بلایا گیا ہے۔

اسرائیل نے  انسانی حقوق کونسل کے ہنگامی اجلاس کو مضحکہ خیز قرار دے دیا، اسرائیلی مشن کا کہنا ہے کہ اس اجلاس کا جو بھی نتیجہ ہوگا وہ انسانی حقوق کے نظام پر دھبہ ہوگا۔

یاد رہے کہ اسرائیل نے 9 ستمبر کو  دوحہ میں حماس رہنماؤں کے اجلاس پر فضائی حملہ کیا تھا جس کے نتیجے میں حماس رہنماؤں سمیت 6 افراد شہید ہوگئے تھے تاہم اس حملے میں حماس کی قیادت محفوظ رہی تھی۔

حماس ذرائع کے مطابق اسرائیلی  کی جانب سے جس وقت فضائی حملہ کیا گیا، اُس وقت حماس کے متعدد رہنماؤں کا اجلاس جاری تھا۔

حماس ذرائع کا کہنا تھا کہ اجلاس میں حماس رہنما غزہ جنگ بندی کے حوالے سے امریکی صدر کی تجویز پر غور کر رہے تھے