بسکٹ میں سوراخ کیوں ہوتے ہیں؟ حیران کن وجہ جانیے

بچوں کے ساتھ ساتھ بسکٹ کھانا بڑے بھی پسند کرتے ہیں اور یہی وجہ ہے کہ  بسکٹ کہیں ناشتے تو کہیں شام کی چائے کا حصہ ہوتے ہیں۔

لیکن کیا کبھی آپ نے سوچا کہ مختلف ذائقوں کے ساتھ بنائے جانے والے ان بسکٹس پر چھوٹے چھوٹے سوراخ کیوں ہوتے ہیں؟ بالخصوص کریم والے اور ڈبے والے بسکٹ میں؟ 

زیادہ تر لوگ بسکٹ پر موجود ان سوراخوں کو سجاوٹ کا حصہ سمجھ کر نظر انداز کردیتے ہیں لیکن درحقیقت  یہی سوراخ بسکٹ بنانے میں اہم کردار ادا کرتے ہیں۔

 ایک رپورٹ کے  مطابق بسکٹ پر موجود  سوراخوں کو ’ ڈوکر ہولز‘ کہا جاتا ہے، بسکٹ پر یہ سوراخ  خاص طور پر اس لیے رکھے جاتے ہیں تاکہ بیکنگ کے دوران درجہ حرارت زیادہ ہونے کی صورت  گرم بھاپ ان سوراخوں کے ذریعے باہر نکل جائے۔