نیپرا اور پاور ڈویژن کی جانب سے ڈسکوز کو کتنے گھنٹے کی لوڈ شیڈنگ کی ہدایت ہے؟

اسلام آباد: قومی اسمبلی کی قائمہ کمیٹی برائے توانائی کے رکن حسین طارق کا کہنا ہے نیپرا اور پاور ڈویژن کی جانب سے ڈسکوز کو 7 سے 8 گھنٹے اعلانیہ لوڈ شیڈنگ کی ہدایت ہے۔

محمد ادریس کی زیر صدارت قومی اسمبلی کی قائمہ کمیٹی برائے توانائی کا اجلاس ہوا جس میں حیسکو کے نقصانات اور غیر اعلانیہ لوڈ شیڈنگ کا معاملہ زیر بحث آیا۔

سیکرٹری پاور ڈویژن نے کمیٹی کو بتایا کہ ملتان اور لاہور والی ڈسکوز میں ریکوری 100 فیصد تک پہنچ چکی ہے، حیسکو میں بجلی بلوں کی ریکوریوں کے مسائل زیادہ ہیں، ایسا نہیں ہے کہ لاہور اور ملتان میں زیادہ ایماندار افسران بیٹھے ہیں، حیسکو میں بلوں کی ریکوری نہ ہونے کی وجہ گورننس کے مسائل ہیں۔

ممبر کمیٹی کا کہنا تھا اگر حیسکو میں ریکوری نہیں ہو رہی تو آپ کی سرویلنس ٹیمز کیا کر رہی ہیں؟ جبکہ ممبر کمیٹی نوشین افتخار نے کہا کہ 30 ہزار کا بل ایک مزدور ایک ہی بار ادا نہیں کر سکتا، بل کو اقساط میں لینے کا کوئی نہ کوئی حل نکالیں۔

سیکرٹری پاور نے کہا کہ پاور سیکٹر سے پچھلے سال کی نسبت لوگوں کو ریلیف ملا ہے، 200 یونٹ تک پروٹیکٹڈ صارفین کا 6 سے 7 ہزار کا بل آتا ہے، جس غریب آدمی کا بل 30 ہزار تک چلا جاتا ہے