ٹانک: نامعلوم افراد نے امن کمیٹی کے صدر کو گھر میں گھس کر قتل کردیا

خیبر پختونخوا کے ضلع ٹانک میں امن کمیٹی کے صد ر کو قتل کردیا گیا۔

جیونیوز کے مطابق فائرنگ کا واقعہ ٹانک میں کوٹ خدک کے علاقے میں پیش آیا جہاں رات گئے مسلح افراد نے امن کمیٹی کے صدر کے گھر پر فائرنگ کردی۔

ڈی پی او شبیر حسین شاہ نے بتایا کہ فائرنگ کے نتیجے میں امن کمیٹی کے صدر صلاح الدین جاں بحق اور ان کے بھائی زخمی ہوئے ہیں۔

ڈی پی او کا کہنا ہےکہ صلاح الدین کی لاش اور زخمی کو ہیڈکوارٹراسپتال ٹانک منتقل کردیا گیا ہے۔

ڈی پی او کے مطابق  واقعے کے بعد پولیس کی بھاری نفری جائے وقوعہ پرپہنچ گئی اور ملزمان کی تلاش شروع کردی گئی ہے۔