پاکپتن: آوارہ کتوں کے کاٹنے سے ڈاکٹر اور خواتین سمیت 11 افراد زخمی

پاکپتن میں آوارہ کتوں کے کاٹنے سے ڈاکٹر اور خواتین سمیت 11 افراد زخمی ہو گئے۔

اسپتال ذرائع کے مطابق پاکپتن کالج روڈ پر آوارہ کتوں کے حملے سے 11 افراد زخمی ہوئے۔

ذرائع کا بتانا ہے کہ کتوں کے کاٹنے سے ڈی ایم ایس اسپتال ڈاکٹر عباس بھی زخمی ہوئے جنہیں اسپتال منتقل کیا گیا۔

ذرائع کا کہنا ہے کہ زخمیوں میں بینک کا گارڈ اور خواتین بھی شامل ہیں، تمام متاثرہ افراد کو ویکسین لگا دی گئی ہے۔

وزیراعلیٰ مریم نواز نے پاکپتن میں آوارہ کتوں کے کاٹنے کے واقعات کا نوٹس لیتےہوئے کمشنر ساہیوال سے رپورٹ طلب کر لی ہے۔