فلسطین کی آزادی کی جدوجہد جاری رہے گی، مشتاق احمد کا آئندہ زیادہ طاقتور انداز سے غزہ جانےکا اعلان

سابق سینیٹر  مشتاق احمد خان نے دوٹوک الفاظ میں واضح کردیا کہ زندگی کی آخری سانس اور خون کے آخری قطرے تک فلسطین کی آزادی کی جدوجہد جاری رہے گی۔ انہوں نے آئندہ زیادہ طاقتور  انداز  سے غزہ جانے کا بھی اعلان کیا۔

سابق سینیٹر  مشتاق احمد خان نے سوشل میڈیا پر جاری پیغام میں کہا کہ امیر جماعت اسلامی پاکستان حافظ نعیم الرحمان  نے  اردن میں پاکستانی سفیر  اجمل اقبال صاحب کے ذریعے اُن سے رابطہ کیا ، خیریت دریافت کی اور صورتحال سے متعلق معلومات لیں۔

مشتاق احمد نے خیریت دریافت کرنے پر  امیر جماعت اسلامی کا شکریہ ادا کیا اور کہا کہ فلسطین کا مسئلہ پوری قوم کا متفقہ مسئلہ ہے۔