الیکشن کمیشن نے پنجاب میں ضمنی انتخابات کا نیا شیڈول جاری کر دیا

الیکشن کمیشن آف پاکستان نے ضمنی انتخابات کا نیا شیڈول جاری کر دیا۔

ترجمان الیکشن کمشنر پنجاب کا کہنا ہے کہ الیکشن ایکٹ 2017 کے تحت پنجاب کے ضمنی انتخاب کا شیڈول جاری کیا گیا ہے، فیصل آباد اور ساہیوال کے 5 حلقوں میں ضمنی انتخابات ہوں گے، این اے 96، این اے 104، این اے 143، پی پی 98 اور پی پی 203 میں پولنگ ہو گی۔

الیکشن کمشنر پنجاب کے ترجمان کے مطابق ریٹرننگ آفیسرز کے فیصلوں کے خلاف اپیلوں کی آخری تاریخ 24 اکتوبر ہے، اپیلٹ ٹربیونل اپیلوں کے فیصلے 31 اکتوبر تک کرے گا، امیدواروں کی نظر ثانی شدہ فہرست یکم نومبر کو شائع کی جائے گی۔

ترجمان نے بتایا ہے کہ امیدواروں کی دستبرداری کی آخری تاریخ 3 نومبر مقرر کر دی گئی ہے جبکہ انتخابی نشانات الاٹ کرنے کی تاریخ 4 نومبر طے ہوں گے، ضمنی انتخابات میں پولنگ 23 نومبر 2025 کو ہو گی۔