پاکستان میں پولیو کا ایک اور کیس رپورٹ، متاثرہ بچے کا تعلق کے پی سے ہے

اسلام آباد: پاکستان میں پولیو کا ایک اور کیس رپورٹ ہوا ہے۔ 

 ذرائع وزارت صحت کے مطابق پولیو سے متاثرہ 12 ماہ کے بچے کا تعلق خیبر پختونخوا کے ضلع تورغر کی تحصیل کندار سے ہے۔ 

ذرائع وزارت صحت کا بتانا ہے کہ بچے میں بیماری کی علامات 19 ستمبر 2025 کو ظاہر ہوئیں۔ 

ذرائع کے مطابق رواں سال کے پی میں پولیو کا یہ 19 واں کیس ہے جب کہ ملک بھر میں سال 2025 میں پولیو کیسز کی مجموعی تعداد اب 30 ہوگئی ہے۔