اسلام آباد میں لڑکی سے مبینہ زیادتی کا مقدمہ درج، ملزمان گرفتار

 اسلام آباد کے تھانہ مارگلہ کی حدود میں فلیٹ میں لڑکی سے مبینہ زیادتی کا مقدمہ درج کرلیا گیا۔

مقدمے میں ملزمان فیصل جلال اور سید حفیظ اللہ کو نامزد کیا گیا ہے۔

مقدمے کے متن کےمطابق  سوشل میڈیا پر نوکری کا اشتہار دیا گیا اور پھر مجھے جھانسہ دے کر بلایا گیا۔

ایف آئی آر کے متن میں کہاگیا کہ دو لڑکوں نے میرے ساتھ زیادتی کی اور  تشدد کا نشانہ بھی بنایا۔

ایف آئی آر کے متن میں کہا گیا کہ  واقعے کے بعد میں نے خود کو کمرے میں بندکردیا اورپولیس کو کال کرلی، ملزمان نے کمرے کا دروازہ توڑ کردوبارہ تشدد کیا۔

متن کے مطابق ملزمان مجھے فلیٹ سے باہر لےآئے تو  میں نے شور  مچایا تاہم  پولیس بھی موقع پرپہنچ گئی اور دونوں ملزمان کو گرفتارکیا۔

پولیس کا کہنا ہے کہ لڑکی کو میڈیکل کےلیے پمز اسپتال بھجوادیا گیا۔